News
Il telefon d'agid - Maun offert – sin Facebook
16.05.12 / Prevenziun
Il Maun offert (die dargebotene Hand) cun ses numer da telefon 143 stat tradiziunalmain a disposiziun a persunas cun problems emoziunals, patratgs da suicidi ed auter. Tras la collavuraziun cun Facebook pon amis da periclitads als far attent sin las purschidas da l’organisaziun Maun offert. (tud.)
Di internaziunal da museums
15.05.12 / Agenda
Sut il motto «Mussar quai ch’è impurtant» envidan blers museums grond e pitschen, dumengia, ils 20 da matg 2012 per perscrutar las exposiziuns spezialas e permanentas. Era blers museums grischuns èn da la partida – Museum d’art, Museum da la natira e Museum retic.
Emprender durant durmir
08.05.12 / Prevenziun / Publicaziun
La NZZ è sa fatschentada en ses artitgel cun l’effect da la sien sin las prestaziuns d’uffants e da giuvenils en scola e sa referescha a numerus studis moderns. Facit: Betg sulettamain il cuz da la sien, mabain oravant tut la qualitad da la sien è decisiva per la prestaziun. (tud.)
Blog da Margrit Stamm davart la furmaziun
08.05.12 / Politica da furmaziun / Pagina pedagogica / Artitgel pedagogic
«La fugia en il gimnasi e sia consequenza per la furmaziun professiunala» sa numna ina contribuziun-blog da Margrit Stamm, professura da pedagogia a l’Universitad da Friburg. Tgi che veglia ina plazza d’emprendissadi sto prestar dapli che las scolaras ed ils scolars dal gimnasi, pretenda Stamm.
Agenda
Sapperlot! Dialects en Svizra
08.03.12 - 25.08.12 / Biblioteca naziunala, Berna
Co che la Svizra discurriva e discurra – quai è il tema da l’exposiziun actuala en la Biblioteca naziunala svizra a Berna. Ina installaziun acustica pussibilitescha da tadlar la varietad da la lingua discurrida. La pussaivladad da far ina visita guidada datti er.
Lingua d’occurenza: Tudestg, Franzos, Talian, Rumantsch
Stgalim d'instrucziun: Independet dal stgalim
Playtime – Videogame mythologies
10.03.12 - 09.12.12 / Maison d’Ailleurs, Yverdon
Ina nova invista en ils munds magics dals gieus da computer dat l’exposiziun «Playtime – Videogame mythologies». Ella examinescha las novas experientschas corporalas d’in giugader e la relaziun tar ses avatar. La Maison d’Ailleurs è in museum da Science Fiction.
Lingua d’occurenza: Tudestg, Franzos, Englais
Stgalim d'instrucziun: Independet dal stgalim
«chant au tour» – 5 concerts, 5 lieus e 25 artistAs
24.03.12 - 23.11.12 / Cuira, Zuoz, Glion, Turitg, Tusaun
RTR preschenta per l’emprima giada l’arranschament «chant au tour» cun 25 chantauturas e chantauturs rumantschs en tschintg differents lieus. Ina part dals chantauturs chanta a tut ils tschintg concerts, auters mo en in lieu. Uschia vegni a dar inscunters unics tranter ils musicists.
Lingua d’occurenza: Rumantsch
Stgalim d'instrucziun: Independet dal stgalim
