Cundiziuns d'admissiun

En la gronda part dals chantuns èsi pussaivel d'entrar en la scola preliminara tranter il quart ed il tschintgavel onn da vegliadetgna, ma er gia a partir dal terz onn da vegliadetgna (chantun Tessin). Per la scola preliminara na datti nagina procedura d'admissiun. Ils uffants entran en la scola preliminara cur ch'els han cumplenì ils onns prescrits. L'admissiun vegn fatga sin fundament da l'annunzia tras ils geniturs/las persunas cun la pussanza dals geniturs. Er uffants che dovran ina promoziun da pedagogia speziala u uffants che han impediments han la pussaivladad da frequentar la scola preliminara – saja quai en instituziuns spezialas u en scolas preliminaras regularas.

HarmoS

Tras l'armonisaziun da la scola obligatorica (HarmoS) duai la scola preliminara daventar obligatorica en ils chantuns che vegnan a participar al concordat HarmoS per tut ils uffants che han ademplì il quart onn da vegliadetgna (di da referenza: 31 da fanadur) – en cas individuals e sin dumonda dals geniturs duai dentant esser pussaivel da cumenzar pli tard la scola preliminara.