Cundiziuns d'admissiun

Tut las scolaras e tut ils scolars cuntinueschan suenter il stgalim primar cun lur scolaziun al stgalim secundar I.

Al stgalim secundar I vegn dada ina instrucziun differenziada ch'è organisada tenor differents models. La midada dal stgalim primar al stgalim secundar I ha lieu en differenta moda tut tenor il chantun ed il model. Tar il model integrà sco er tar l'admissiun al tip da scola cun pretensiuns fundamentalas vegni midà senza examen. L'admissiun ad in tip da scola cun pretensiuns extendidas sa basa sin la recumandaziun da la persuna d'instrucziun; per part sto la scolara u il scolar er reussir in examen d'admissiun. Sco criteris d'admissiun valan las prestaziuns da scola, il giudicament dal cumportament da lavurar e dal cumportament d'emprender resp. il giudicament da la cumpetenza da la materia, da la cumpetenza persunala e da la cumpetenza sociala sco er il giudicament dal svilup da las prestaziuns individualas. Per regla vegnan ils geniturs/las persunas cun la pussanza dals geniturs ubain er las scolaras ed ils scolars sezs integrads en la procedura da decisiun.