Cuntegns d'instrucziun
Il stgalim secundar I duai promover il svilup e la persunalitad dals giuvenils, als preparar per la vita da creschids ed als encuraschar d'emprender per vita duranta. El duai promover l'atgna responsabladad e l'atgna iniziativa ed envidar da renconuscher e da schliar problems, da dumagnar conflicts e da lavurar individualmain u communablamain.
Roms
Ils suandants roms vegnan instruids al stgalim secundar I:
-
la lingua naziunala (tut tenor la regiun rumantsch, tudestg, franzos u talian)
-
2 linguas estras (per regla in'autra lingua naziunala ed englais)
-
matematica
-
scienzas natiralas
-
geografia
-
istorgia ed instrucziun civica
-
economia da chasa, lavurs da maun e zambregiar
-
furmaziun creativa
-
musica
-
sport
-
instrucziun da tscherna da professiun e da preparaziun a la professiun.
Moda interdisciplinara
Secturs spezials sco scienzas natiralas, geografia, istorgia u istorgia civica pon vegnir instruids er en il rom d'in sectur spezial (p.ex. "uman ed ambient"). Qua ston vegnir agiuntads ils secturs che pon vegnir instruids sco rom specific u en moda interdisciplinara (p.ex. applicaziun da las novas tecnologias d'infurmaziun e da communicaziun, educaziun da l'ambient, promoziun da la sanadad, educaziun sexuala, educaziun interculturala, instrucziun dals meds da massa). La maioritad dals chantuns prevesa l'instrucziun da religiun resp. d'etica.
Uraris e plans d'instrucziun
Ils chantuns determineschan ils uraris ed ils plans d'instrucziun e decidan davart ils meds d'instrucziun. En il rom da l'armonisaziun da la scola obligatorica (HarmoS) vegnan sviluppads ils plans d'instrucziun tenor las regiuns linguisticas: per ils chantuns da la Svizra franzosa il Plan d'études romand (PER), per ils chantuns da lingua tudestga e plurilings il plan d'instrucziun 21.
Ulteriuras infurmaziuns
