Datas statisticas

151'699 uffants (48.6% mattas) han frequentà la scola preliminara l'onn da scola 2007/2008. La part dals uffants esters è stada 26.5%. 9.4% dals uffants han frequentà scolas preliminaras privatas betg subvenziunadas. L'onn da scola 2006/2007 eran 13'800 persunas d'instrucziun (da quellas 95.6% dunnas; correspunda ad 8200 plazzas a temp cumplain) engaschadas en las circa 5000 scolas preliminaras. Il dumber d'ina classa preliminara era en media 18 uffants.

Schebain che la scola preliminara n'è fin ussa betg obligatorica en tut ils chantuns, han frequentà bunamain tut ils uffants (98.7%) ina scola preliminara. La maioritad dals uffants (var 86%) ha frequentà la scola preliminara durant dus onns, intgins er durant trais onns (cunzunt en il chantun Tessin).

Il penultim onn da scolina èn vegnidas instruidas en la gronda part dals chantuns main che 20 lecziuns per emna, l'ultim onn da scolina èn quai stadas quasi adina 21 fin 25 lecziuns.

Datas da l'uffizi federal da statistica (UST) 2008; CDEP 2006/2007