Datas statisticas

L'onn da scola 2007/2008 han frequentà 445'136 scolaras e scolars (49.2% mattas) la scola primara. I dat circa 4300 scolas. 2.8% da las scolaras e dals scolars han frequentà ina scola privata betg subvenziunada. La part da las scolaras e dals scolars esters è stada 22.9%.

44'291 persunas d'instrucziun (78.9% dunnas) instrueschan en 29'400 plazzas a temp cumplain las 22'512 classas. La grondezza d'ina classa è stada en media 19.3 scolaras e scolars.

Ils chantuns fixeschan il dumber da las uras per emna en ils uraris. Ils emprims dus onns da la scola primara è stada la durada d'instrucziun per emna per gronda part 21 fin 25 lecziuns. Il terz fin il 6avel onn da scola èn quai stadas 26 fin 30 lecziuns (la durada d'ina lecziun è il pli savens part 45 minutas).

Datas da l'uffizi federal da statistica (UST) 2008; CDEP 2006/2007