Datas statisticas

L'onn da scola 2007/2008 han frequentà 298'368 scolaras e scolars (49.7% mattas) il stgalim secundar I. 21.2% da las scolaras e dals scolars èn stads originars da l'exteriur. I dat circa 1950 scolas. 4.8% da las scolaras e dals scolars han frequentà ina scola privata betg subvenziunada. 36'565 persunas d'instrucziun, da las qualas 51.4% èn dunnas, han instruì en 23'100 plazzas a temp cumplain las 14'980 classas. La grondezza d'ina classa è stada en media 18.8 scolaras e scolars. Ils chantuns fixeschan il dumber da las uras per emna en ils uraris. Il 7avel fin il 9avel onn da scola han las scolaras ed ils scolars absolvì 31 fin 35 lecziuns per emna (la durada d'ina lecziun è il pli savens 45 minutas).

Datas UST 2008; CDEP 2006/2007