Expensas per la furmaziun

daners

L'onn 2006 han las expensas dal maun public per la furmaziun impurtà 26.8 milliardas francs. Totalmain èn vegnids investids 6.1% dal product naziunal brut (PNB) per la furmaziun publica. Ils chantuns e las vischnancas han surpiglià cun circa 87% la chargia principala; els han finanzià 23.25 milliardas francs. La confederaziun è sa participada il medem onn cun 3.55 milliardas francs (13%).

  • Passa la mesadad (52.5%) da las expensas dal maun public per la furmaziun èn idas a favur dal sectur da la scola obligatorica (inclusiv stgalim da la scola preliminara e scolas cun in plan d'instrucziun spezial). L'onn 2006 èn quai stads 13.75 milliardas francs. La finanziaziun han surpiglià ils chantuns cun lur vischnancas (participaziun da la confederaziun: 0.2%).

  • Per il stgalim secundar II èn vegnids impundids 5.43 milliardas francs. Ils chantuns han surpiglià la part principala da la finanziaziun (participaziun da la confederaziun a favur da la furmaziun fundamentala professiunala: 15.6%; participaziun a favur da scolas da la furmaziun generala: 0.5%).

  • L'onn 2006 èn las expensas dal maun public per la furmaziun professiunala superiura stadas 139 milliuns francs. Ils chantuns han surpiglià circa 80% da quellas ed han garantì uschia la part principala da las expensas dal maun public per la furmaziun. Ils manaschis e las organisaziuns dal mund da lavur (OdML) han dentant pajà la part essenziala per finanziar l'entira furmaziun professiunala.

    A favur da las scolas autas (scolas autas professiunalas [SAP], universitads chantunalas, scolas politecnicas federalas [SPF]) èn vegnids impundids 6.99 milliardas francs da las expensas dal maun public per la furmaziun. Ils chantuns han surpiglià la chargia principala per las universitads chantunalas e per las scolas autas professiunalas (SAPr) ed han finanzià cumplainamain las scolas autas da pedagogia (SAP). La finanziaziun da las scolas politecnicas federalas (SPF) è stada chaussa da la confederaziun.

    Datas UST 2008