Scolaziun cuntinuanta

Suenter la scola preliminara passan tut ils uffants al stgalim primar (sch'els n'èn betg vegnids mess enavos). Il criteri d'admissiun è la madirezza per ir a scola. La persuna d'instrucziun da la scola preliminara – eventualmain cun il sustegn da posts spezials – sco er ils geniturs/las persunas cun la pussanza dals geniturs èn participads al process da decisiun. En plirs chantuns vegnan fatgs experiments per concepir da nov il stgalim da scola inizial (stgalim da basa). En quests experiments frequentan uffants en la vegliadetgna da quatter fin otg onns classas eterogenas areguard la vegliadetgna; tut tenor lur svilup pon els percurrer pli svelt u pli plaun il stgalim da scola inizial.